Avstraliyanın şərq sahillərində Qızıl Sahil yaxınlığında iki helikopter toqquşub. Yerli 7news-un məlumatına görə, nəticədə 4 nəfər ölüb, 13 nəfər yaralanıb. Onun sözlərinə görə, 3 nəfərin vəziyyəti ağırdır.

Azadmedia.az xəbər verir ki, hadisə Sea World əyləncə parkının yaxınlığında baş verib. Hadisə şahidlərinin sözlərinə görə, helikopterlərdən biri havaya qalxarkən, digəri isə eniş edərkən toqquşub. Toqquşma nəticəsində iki helikopterdən biri qum sahilinə enməyi bacarıb, digəri isə suda qalıb. Avstraliya Nəqliyyat Təhlükəsizliyi Bürosu araşdırmaya başlayıb.