İranın şimal-şərqindəki Şimali Xorasan əyalətində “Fara Sepehr” təlim təyyarəsi qəzaya uğrayıb.

Azadmedia.az-ın məlumatına görə, bu barədə İran Qızıl Aypara Cəmiyyətinin Yardım və Xilasetmə Təşkilatının sədri Mehdi Vəlipur bildirib.

Onun sözlərinə görə, insident yerli vaxtla saat 13:40-da qeydə alınıb. Qəza zamanı hər iki pilot həyatını itirib.

Vəlipur əlavə edib ki, hadisə yerinə xilasetmə briqadaları cəlb olunub, faktla bağlı istintaq aparılır.