Yaponiyanın cənub-qərbində 1,7 milyon sakinin güclü yağışlar səbəbindən təxliyyə edilməsi elan olunub.

Azadmedia.az xəbər verir ki, bu haqda məlumatı “NHK” telekanalı yayıb. Məlumata əsasən, Fukuoka, Saqa, Naqasaki, Hirosima prefekturalarının sakinlərinə təhlükə ilə bağlı ən yüksək xəbərdarlıq səviyyəsini olan beşinci səviyyə ilə bağlı xəbərdarlıq edilib.

Qeyd edək ki, artıq bir neçə gündür ki, Yaponiyanın cənub-qərbində güclü yağışlar yağır. Təbii fəlakətin təsirinə məruz qalmış ərazilərdə küçələri su basıb. Kyosyu adasının şimalında üç ayın norması qədər yağıntı düşüb.

Bildirilir ki, bir nəfər həlak olub. Torpaq sürüşməsi nəticəsində iki nəfər itkin düşüb. Proqnozlara əsasən, yağışlar hələ davam edəcək.