Bu il birincilərin məktəbə gül buketi aparması ilə bağlı hər hansı bir qadağa yoxdur.

Bu sözləri Təhsil Nazirliyinin mətbuat xidmətinin rəhbəri Cəsarət Valehov Qaynarinfo-nun pandemiya ilə əlaqədar olaraq ilk dərs günü məktəbə çiçək aparılmasının yasaq olub-olmaması ilə bağlı sorğusunu cavablandırarkən deyib.

Bir sıra məktəblərdə valideynlərin birinci siniflərə dərs keçiriləcəyi sinifləri şar və digər dekorlarla bəzəmək istəyi haqqında danışan Cəsarət Valehov əlavə edib ki, siniflərin bəzədilməsinə ehtiyac yoxdur.

Qeyd edək ki, ötən tədris ilində Təhsil Nazirliyi ilk dərs günü məktəbə çiçək buketləri aparılmasına və siniflərin bəzədilməsinə icazə verməyib.