Görüş zamanı YAP Ağcabədi rayon təşkilatının sədri Rövşən Əhmədov çıxış edərək bildirmişdir ki, ölkəmiz ardıcıl olaraq böyük uğurlara imza atmaqda davam edir. Ali Baş Komandan cənab İlham Əliyevin rəhbərliyi ilə hal hazırda ölkəmiz artan sırada inkişaf edir. Hərb meydanındaki Qələbənin davamı olaraq cənab Prezidentin siyasi-diplomatik fəaliyyəti nəticəsində Azərbaycanın haqq işi uğrunda mübarizə aparması barədə reallığı Beynəlxalq aləm qəbul etməyə məcbur oldu. Bununla paralel olaraq işğaldan azad edilmiş ərazilərdə geniş yenədənqurma və bərpa işləri həyata keçirilməyə başlamışdır. Qısa müddət ərzində təkcə öz ölkəmizin deyil, xarici ölkə şirkətləri də əraziyə sərmayə qoymağa başlayıb.
Zəngilanda Ağalı kəndində artıq böyük köç sayəsində yaşayışın bərpa olunması bizləri çox sevidirir və eyni zamanda qürurlandırır. “Ağıllı kənd” öz şəraiti ilə öz adını təsdiqləmişdir.
Rövşən Əhmədov çıxışında Yeni Azərbaycan Partiyasının bu kimi uğurların qazanılmasında Ölkədə öz xüsusi çəkisi olan bir partiya kimi siyasi meydanda daim öndə addımladığını qeyd etmiş, eyni zamanda ölkədə başlanan yeniləşmə xəttinin ötən böyük uğurlara gətirib çıxarmasının şahidi olduğunu vurğulamışdır.
Görüş zamanı YAP Ağcabədi rayon təşkilatının əməkdaşı və həmçinin 13 saylı ərazi partiya təşkilatının sədri Behbud Quluzadənin partiya işində səmərəli fəaliyyətinə görə və doğum günü münasibətilə YAP Ağcabədi rayon təşkilatının Fəxri Fərmanı ilə təltif edilmişdir.
Görüşün sonunda YAP Ağcabədi rayon təşkilatının sədri Rövşən Əhmədov YAP əməkdaşları ilə xatirə şəkli çəkdirmişdir.