Masallı rayon Çaxırlı kəndindən Vətən müharibəsi şəhidi Bağırov Namiq Nurəddin oğlunun mövludu günüdür.

Azadmedia.az xəbər verir ki, millət vəkili Məşhur Məmmədovun köməkçiləri Çaxırlı kənd şəhidi Namiq Bağırovun mövludu günündə iştirak ediblər.

Belə ki, Şəhid Bağırov Namiq Nurəddin oğlunun mövludu günü ilə əlaqədar millət vəkili köməkçiləri Əli Nağıyev, Hekayət Nəzərov və Rəmzi Şahverdiyev şəhidin evində olub, ailəsi ilə birgə məzarını ziyarət edib, ruhuna dualar oxuyublar.

Eyni zamanda, millət vəkili tərəfindən baş sağlığını ailəsinə çatdıraraq qeyd ediblər ki, bu gün şəhidlərimizin ruhu şaddır. Məhz, belə vətənpərvər gənclərimizin canı-qanı bahasına bugün vətən torpaqlarımız Qarabağımız azaddır, Azərbaycan gəncliyi, gələcək nəsillər Bağırov Namiq kimi qəhrəman oğullarımızı daim fəxr və qürurla anacaqdır. Bildiriblər ki, dövlətimiz hər zaman onların yanında olub və bundan sonrada bu missiya davam edəcəkdir.

Allah Şəhidlərimizə rəhmət eləsin!