Rusiya suveren ölkənin ərazisini işğal edib. Müharibə o zaman bitəcək ki, Kreml öz işğalçı qoşunlarını torpaqlarımızdan çıxarsın.

Bunu Ukrayna Prezident Ofisi rəhbərinin müşaviri Mixail Podolyak deyib.

“Rusiya suveren ölkənin ərazilərinə hücum edib, şəhərləri bombalayır, insanları donmağa məcbur etmək üçün obyektləri dağıdır. Başqa tiranlar da buna tamaşa edir. Müharibəni bitirməyin yeganə yolu Rusiyanı Ukraynadan çıxmağa məcbur etməkdir. Yoxsa XXI əsr qanlı münaqişələr dövrü olacaq”, - Podolyak bildirib.