Deputat Məşhur Məmmədov Masallı rayonu Binə Xocavar kəndində Şəhid məzarlarını ziyarət edib.

Azadmedia.az xəbər verir ki, Milli Məclisin deputatı Məşhur Məmmədov Masallı rayonunda seçiciləri ilə səyyar görüşləri əsnasında həmçinin şəhid ailələrilə görüşüb.

Deputat eyni zamanda, Masallı rayonu Banbaşı ərazi dairəsinin Binə Xocavar kənd qəbiristanlığında Şəhid Nəzərov Elməddin İsmayıl oğlu və Şəhid Nuriyev Bəşir Nuru oğlunun məzarlarını ziyarət edərək məzarları üzərinə gül-çiçək dəstələri qoyub, ruhlarına dualar oxuyub və onların əziz xatirələrini ehtiramla yad edib.

Deputat vurğulayıb ki, şəhidlərimizin əziz xatirəsi əbədi olaraq xalqımızın qəlbində yaşayacaq və onların həyatı  gənclərimizə hər zaman örnək olacaqdır.

Allah şəhidlərimizə rəhmət eləsin!