Milli Məclisin deputatı Məşhur Məmmədovun Masallı rayonunun kəndlərində seçicilərilə görüşü, həmçinin Şəhidlərin məzarlarını və ailə üzvlərini ziyarəti davam edir.

Azadmedia.az-ın cənub bürosu xəbər verir ki,
deputat Məşhur Məmmədov və köməkçiləri Əli Nağıyev, Hekayət Nəzərov və Rəmzi Şahverdiyev Təkdam və Köçəkli kəndlərində Şəhidlərin məzarlarını ziyarət ediblər.

Ziyarətdə deputat və köməkçiləri ilə bərabər kənd sakinləri, din xadimləri iştirak ediblər.

Belə ki, Təkadam kənd qəbiristanlığında Şəhid Rəhimov Bəhruz Səyədulla oğlunun, Köçəkli kənd qəbiristanlığında Şəhid Yaqubov Ceyhun Sabir oğlunun, Şəhid Şamıyev Fəttah Hümmət oğlunun, Şəhid Baş gizir Abbasov İntiqam Yavər oğlunun, Şəhid Rəhimov Sərhəddin Yadulla oğlunun məzarları ziyarət edilib, gül dəstələri düzülüb, ruhları dərin ehtiramla yad edilib və dualar oxunub.