Milli Məclisin deputatı Məşhur Məmmədov II Yeddioymaq kənd ərazi dairəsinə daxil olan Teymur Bəy Bayraməlibəyov adına 2 saylı tam orta məktəbin binasında seçiciləri ilə səyyar görüş-qəbul keçirib.

Azadmedia.az xəbər verir ki, görüşdə deputat Məşhur Məmmədov, köməkçiləri Əli Nağıyev, Hekayət Nəzərov, Rəmzi Şahverdiyev, kənd ərazi nümayəndəliyi və sakinlər iştirak ediblər.

Belə ki, kənd sakinləri tərəfindən bir sıra problər səsləndirilib.
Bunlar sırasında təqaüd, təhsil haqqı, səhiyyə, maddi yardım və məşğulluqla bağlı istəklər yer alıb. Həmçinin bayramqabağı maddi yardımlarla bağlı arzular yerinə yetirilib.

Bir sıra ünvanlanan müraciətə operativ reaksiya verilib, digər məsələlərin həlli müvafiq qurumlara yönləndirilib.

Kənd sakinləri rayona göstərilən diqqət və qayğıya görə ölkə prezidenti cənab İlham Əliyevə və Birinci vitse-prezident Mehriban xanım Əliyevaya, deputat M.Məmmədova minnətdarlıqlarını bildirib.

Qeyd edək ki, Masallı rayonunun kəndlərində deputat Məşhur Məmmədovun səyyar görüşləri davam edir.