Milli Məclisin deputatı Məşhur Məmmədov Masallı rayonu Şıxlar kənd qəbiristanlığında
Şəhidlərin məzarlarını ziyarət edib.

Azadmedia.az xəbər verir ki, deputat Məşhur Məmmədov və köməkçiləri,  Şəhid ailələri və kəndin din xadimləri ilə birgə Masallı rayonunun Şıxlar kənd qəbiristanlığında
I Qarabağ müharibəsində itkin düşən Şəhid Hüseynov Telman Mirzə oğlunun
Valideynləri tərəfindən təsəlli üçün düzəldilən məzarını, həmçinin Şəhid Orucov Natiq Əliyar oğlunun məzarını ziyarət ediblər, məzarları üstünə gül dəstələri düzüb, ruhlarına dualar oxuyub, əziz xatirələrini ehtiramla yad ediblər.

Eyni zamanda, kənd qəbristanlığında 20 yanvar hadisələrində şəhid olub, Bakıda dəfn edilənlər üçün də xatirə lövhəsi qoyulub. Lövhə qarşısında 20 Yanvar şəhidləri yad edilib, ruhlarına dualar oxunub.

Deputat şəhid ailələri ilə görüşündə bildirib ki, şəhid ailələri və qazilərimiz hər zaman dövətin qayğısı ilə əhatə olunub, bundan sonra da olunacaqlar.