2022-ci ilin 30 dekabr tarixində Bitki Mühafizə və Texniki Bitkilər Elmi-Tədqiqat İnstitutunun rəhbərliyi və kollektivi Gəncə şəhərində yerləşən şəhidlər xiyabanını ziyarət ediblər.

Azadmedia.az xəbər verir ki, Bitki mühafizə və Texniki bitkilər Elmi-Tədqiqat İnstitutunun rəhbəri professor, AMEA-nın müxbir üzvü İbrahim Həsən oğlu Cəfərov, akademik və inzibati heyət üzvləri Gəncə şəhərində yerləşən şəhidlər xiyabanını ziyarət edib, şəhidlərin məzarları üstünə gül-çiçək dəstələri qoyub, ruhlarını ehtiramla yad edərək dualar ediblər.
Həmçinin kollektiv tərəfindən şəhidlərin ruhlarına Quran oxudulub.

Ölkəmizin müstəqilliyi və ərazi bütövlüyünün təmin olunması uğrunda şəhid olan 44 günlük Vətən müharibəsinin iştirakçılarının ruhlarını hörmətlə anır, onlara Allahdan rəhmət diləyirik!