İranın keçmiş prezidenti Əkbər Hasemi Rəfsəncaninin qızı Fayize Haşimi Tehran məhkəməsi tərəfindən 5 il müddətinə azadlıqdan məhrum edilib. Ona qarşı fəallığı və Məhsa Əmininin ölümündən sonra baş qaldıran etirazları qəddarcasına yatırdıqlarına görə hakimiyyəti tənqid edən şərhlərinə görə əlavə ittihamlar irəli sürülüb.

Haşiminin vəkili Neda Şəms yanvarın 9-da Twitter səhifəsində yazıb ki, "hökm qəti deyil" .

"Müvəkkilim hələ də həbsdədir və ona qarşı başqa işlər də açılıb", o əlavə edib.

Şəms Haşimiyə qarşı irəli sürülən ittihamlar və hələ də baxılmayan işlərlə bağlı hər hansı təfərrüatı açıqlamayıb.

Atası ruhani qurumun qurucularından biri olan keçmiş millət vəkili və qadın hüquqları müdafiəçisi Haşimi sentyabrın 27-də həbs edilib. İslam İnqilabı Keşikçiləri Korpusuna (SEPAH) bağlı, sərt-xətt Tasnim xəbər agentliyi onun təhlükəsizlik qüvvələri tərəfindən "iğtişaşları qızışdırmaq" ittihamı ilə Tehranın şərqində həbs edildiyini bildirib.

Həbs olunmazdan əvvəl Haşimi deyib ki, hakimiyyət Əmininin hicab qaydalarını pozduğu iddiası ilə saxlanıb polis nəzarətində olarkən ölümündən sonra ölkədə başlayan etirazları yatırmaq üçün onları "iğtişaşlar" və "qiyam" adlandırır.

O, həmçinin bildirib ki, daha çox azadlıqlar və hüquqlar tələbi ilə keçirilən etirazlar ABŞ-ın sərt sanksiyalarının zəiflətdiyi iqtisadiyyatın pisləşməsi ilə bağlı son nümayişlərdən fərqlənir.

O vaxtdan bəri etirazlar ölkə boyu davam edir və bəzi təhlilçilərin fikrincə, bu, 1979-cu il inqilabından sonra İslam hökuməti üçün ən böyük təhlükədir.

Hakimiyyət etirazlara qəddarlıqlarla cavab verib. İnsan haqları qruplarının dediyinə görə, repressiyalar 500-ə yaxın insanın ölümünə və yüzlərlə insanın yaralanmasına səbəb olub. Jurnalistlər, hüquqşünaslar, fəallar da daxil olmaqla, minlərlə etirazçı həbs edilib.

Minlərlə dinləyicini cəlb edən populyar "Clubhouse" proqramındakı çıxışlarında olduğu kimi, Haşimi əvvəllər də hökuməti çox tənqid edib. 2020-ci ildə sərt-xətt tərəfdarı İbrahim Rəisinin hakimiyyətə gəlməsi ilə nəticələnən prezident seçkiləri zamanı o, boykota çağıranlar arasında olub.