Rusiya Xarici İşlər Nazirliyi müntəzəm olaraq Azərbaycan və Ermənistan arasında sülh müqaviləsinin hazırlanması ilə bağlı Bakı və İrəvanla yeni görüş keçirməyə hazır olduğunu bəyan edir. Azadmedia.az xəbər verir ki, bu sözləri Rusiya Federasiyası Dövlət Dumasının MDB İşləri, Avrasiya İnteqrasiyası və Həmvətənlərlə Əlaqələr Komitəsinin sədri Leonid Kalaşnikov Ermənistan-Azərbaycan münasibətlərindən danışarkən deyib.

Təəssüf ki, münaqişə tərəflərinin özləri konsensus tapmasa, sülh müqaviləsinin nəyisə kökündən dəyişəcəyini düşünmürəm, - deyən politoloq qeyd edib ki, həyata keçirilməli olan maddələr üçtərəfli bəyanatlarda öz əksini tapmışdır. O cümlədən dəhlizlər haqqında - nəqliyyat və iqtisadi əlaqələrin bloklanması, demarkasiya və delimitasiya haqqında. Məsələn, Rusiyanın hələ də Yaponiya ilə sülh müqaviləsi yoxdur:

"Fikrimcə, konkret məsələlərə faktiki olaraq diqqət yetirilməlidir. Azərbaycanın əsas hissəsindən onun Naxçıvanına dəhliz layihəsi həyata keçirilsin, Laçın dəhlizinin fasiləsiz fəaliyyəti bərpa edilsin. Bütün bu məsələləri qarşılıqlı şəkildə həll etmək lazımdır. Məsələləri ərazilər üzrə həll etmək lazımdır. O cümlədən regionun bütün qonşularının maraqlarına hörmətlə yanaşaraq, dürüst və açıq danışmaq lazımdır. Biz İranla danışıqlar aparmalıyıq, hər şeyi nəzərə almalıyıq. Çünki regionda sülh yalnız bir-birimizin maraqlarını nəzərə alsaq mümkündür. Bu məsələləri bir-birimizlə açıq şəkildə müzakirə etməliyik".