Türkiyə prezidenti Rəcəb Tayyib Ərdoğan canlı yayımda "Kanal 7" və "Ülkər" telekanallarının jurnalistlərinin suallarını cavablandırarkən özünü pis hiss edib. Azadmedia.az xəbər verir ki, verilişin başlamasından bir neçə dəqiqə sonra veriliş 20 dəqiqə kəsilib və bərpa edildikdən sonra prezident jurnalistlərə bildirib ki, “mədəsində kəskin soyuqluq var”.

“Biz çox çalışırıq. Məndə ciddi soyuqluq var. Fikirləşdik ki, proqramı ləğv etsək, səhv başa düşülə bilərik. Söz verdiyim kimi gəldik. Biz də zaman-zaman belə problemlərlə üzləşirik, indi televiziya ekranına baxan bütün vətəndaşlarımızdan üzr istəyirəm”, - deyə cənab Ərdoğan yayımın bərpasından sonra bildirib (TASS-a istinadən).

Veriliş bərpa olunduqdan sonra jurnalistlər prezidentə hərəyə bir sual veriblər və bundan sonra veriliş başa çatıb. Daha sonra cənab Ərdoğanın nümayəndəsi İbrahim Kalın Twitter-də yazıb ki, dövlət başçısının səhhəti ilə bağlı hər şey qaydasındadır.