Gürcüstanın Baş naziri İrakli Qaribaşvili ümummilli lider Heydər Əliyevin 100 illik yubileyi münasibətilə Azərbaycan prezidenti İlham Əliyevə təbrik məktubu ünvanlayıb.

Məktubda deyilir:
“Zati-aliləri!
İcazə verin, Azərbaycanın möhtərəm ümummilli lideri Heydər Əliyevin 100 illik yubileyi münasibətilə ən səmimi təbriklərimi çatdırım.
Dahi Heydər Əliyev bütün mənalı həyatını sevimli ölkəsinə həsr etmiş, milli dövlətçiliyin əsasını qoymuş görkəmli siyasi xadim olmuşdur. Bu gün Azərbaycan beynəlxalq aləmdə mühüm rol oynayır və öz ümummilli liderinin xatirəsini ehtiramla yad edir.

Bu xoş fürsətdən istifadə edərək, Gürcüstan ilə Azərbaycan arasında strateji əlaqələrin qurulmasında böyük Heydər Əliyevin əsas rolunu vurğulamaq və onun bu xidmətlərinin əbədi yaşayacağını qeyd etmək istəyirəm. İnanıram ki, biz birgə səylərlə xalqlarımızın və bütün regionun rifahı naminə strateji tərəfdaşlığı daha da inkişaf etdirməyə davam edəcəyik.

Bu əlamətdar yubiley münasibətilə ulu öndər Heydər Əliyevin əziz xatirəsinə dərin ehtiramımı bildirir, qardaş Azərbaycan xalqına ən xoş arzularımı və ən səmimi salamlarımı çatdırıram”.