Azərbaycan Respublikasının Prezidenti İlham Əliyev Avropa İttifaqı Şurasının prezidenti Şarl Mişelin dəvəti ilə mayın 13-də Belçika Krallığına işgüzar səfərə gedib.

İlham Əliyev Brüsseldə Avropa Komissiyasının vitse-prezidenti Maros Şefçoviç ilə görüşüb.

Söhbət zamanı Azərbaycan Prezidentinin Maros Şefçoviçlə bundan əvvəl keçirdiyi görüşlər məmnunluqla xatırladıldı. Maros Şefçoviçin Cənub Qaz Dəhlizinin uğurla həyata keçirilməsində xidmətləri qeyd edilib və onun Cənub Qaz Dəhlizi Məşvərət Şurasının həmsədri kimi fəal rolu vurğulanıb.

Maros Şefçoviç “Cənub Qaz Dəhlizi” layihəsinin uğurla həyata keçirilməsi və səmərəli fəaliyyəti münasibətilə dövlətimizin başçısına təbriklərini çatdırıb.

Görüşdə Azərbaycan ilə Avropa İttifaqı arasında enerji sahəsində əməkdaşlıq məsələləri müzakirə edilib, Avropa Komissiyasının sədri Ursula Von der Leyenin ötən ilin iyulunda Azərbaycana səfərinin və Azərbaycan arasında strateji tərəfdaşlıq haqqında Anlaşma Memorandumunun əhəmiyyəti vurğulanıb. Bu səfər zamanı enerji sektorunda Avropa Birliyi ilə imzalanmışdır. Azərbaycan qazının Avropa İttifaqına ixracının artırılması prosesinin uğurla həyata keçirilməsindən və bununla bağlı bu ilin aprelində Sofiyada imzalanmış Anlaşma Memorandumunun əhəmiyyətindən danışılıb. Azərbaycan qazının Avropa məkanında daha geniş coğrafiyanı əhatə etməsinin əhəmiyyəti qeyd edilib.

Söhbət zamanı Azərbaycan ilə Avropa İttifaqı arasında bərpa olunan enerji istehsalı sahəsində əməkdaşlıq məsələləri müzakirə edilib, bu sahənin böyük perspektivlərinin olduğu bildirilib.

Görüşdə Azərbaycan ilə Avropa İttifaqı arasında strateji tərəfdaşlığın uğurla davam etdiyi vurğulanıb.