Türkiyədə müxalifətin vahid namizədi Kamal Kılçdaroğlu ölkədə seçkilərin ikinci turunun keçiriləcəyini açıqlayıb. Bu barədə Azadmedia.az xəbər verir.O, öz bəyanatı ilə Türkiyənin hazırkı prezidenti Tayyib Ərdoğanın seçki marafonunun lideri olması və birinci turda qalib gələ biləcəyi barədə bəyanatını şübhə altına alıb.

Kılıçdaroğlu qeyd edib ki, səslərin hesablanması hələ başa çatmayıb.

“Seçkilər eyvandan danışmaqla qazanılmır. İkinci turda seçkilərdə mütləq qalib gələcəyik”, - deyə müxalifətçi jurnalistlərə bildirib.

Seçki qutularının 91,93 faizini emal etdikdən sonra Ərdoğan 49,3 faiz, Kılıçdaroğlu isə 45 faiz səs toplayıb.

Bundan əvvəl Rəcəb Tayyib Ərdoğan bildirib ki, ilkin məlumatlara görə, o, Türkiyədə keçirilən ümumi seçkilərdə liderdir.

Birinci tur prezidentlik yarışının qalibini müəyyən etməsə, ikinci tur mayın 28-də keçiriləcək.

Bundan əvvəl ANKA xəbər vermişdi ki, Türkiyədə keçirilən prezident seçkilərində hazırkı dövlət başçısı Tayyib Ərdoğanla müxalifətin namizədi Kamal Kılıçdaroğlu arasında fərq 2%-dən bir qədər çox azalıb.