Qarabağ bölgəsinin sakinlərinin hüquqları və təhlükəsizliyi Azərbaycan qanunvericiliyi çərçivəsində təmin ediləcək. Azadmedia.az xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə bildirib.

Bundan əvvəl Aİ-nin Ermənistandakı səfiri Andrea Viktorin “Dağlıq Qarabağın erməni əhalisinin hüquqlarını və təhlükəsizliyini” təmin etmək üçün “beynəlxalq mexanizm”in yaradıldığını bəyan edib.

Hacızadə qeyd edib ki, Avropa İttifaqı səfirinin ideyaları beynəlxalq hüququn norma və prinsiplərinə zidd olaraq Azərbaycanın daxili işlərinə qarışmaq cəhdidir, qəbuledilməzdir.

"Qarabağ bölgəsi Azərbaycanın suveren ərazisidir və Azərbaycanda yaşayan digər etnik azlıqlar kimi Ermənistan sakinlərinin də hüquqları və təhlükəsizliyi ölkəmizin qanunvericiliyi çərçivəsində təmin ediləcək", - azərbaycanlı diplomat bildirib.

O vurğulayıb ki, Azərbaycan tərəfinin erməni sakinləri ilə dialoq səylərinə mane olmamalıdır - "ərazi bütövlüyümüzə və suverenliyimizə qərəzli münasibətə son qoymaq lazımdır".