AB insan hüquqlarının pozulmasına görə yeddi yüksək vəzifəli İran vətəndaşına qarşı sanksiya tətbiq edib.

Azadmedia.az xəbər verir ki, bu barədə AB Şurasının saytında bildirilib.

Belə ki, dövlət ittihamçısı Seyid Məhəmməd Musvian, əyalət cinayət məhkəməsinin hakim müavini və müşaviri Əli Zare Buri və bir sıra ədliyyə orqanlarının digər nümayəndələri məhdudiyyətlərə məruz qalıblar.

Qeyd edək ki, son bir ildə xalq iğtişaşlarının yatırılmasında və məhbusların cəzalandırılmasında iştirak edən İslam İnqilabı Keşikçiləri Korpusunun (SEPAH) üzvləri də sanksiyalara məruz qalıb.