Azadmedia.az
Sabah Vaşinqtonda ABŞ dövlət katibinin vasitəçiliyi ilə Azərbaycan və Ermənistan xarici işlər nazirləri arasında danışıqların növbəti raundu başlayacaq.
Görüş ərəfəsində Azərbaycan və Ermənistan tərəfləri Vaşinqtondakı danışıqlar prosesində və ya məsələn, Azərbaycan prezidenti ilə Ermənistanın baş nazirinin 2019-cu ildə gözlənilən görüşündə nəticələrin nə dərəcədə real olduğunu nümayiş etdirən növbəti tezislər səsləndirdilər. İyulun 21-də Avropa İttifaqı Şurasının rəhbərinin vasitəçiliyi ilə Brüsseldə keçirilən görüşdə də bunun şahidi olduq.

Belə ki, ötən gün Azərbaycan prezidenti İlham Əliyev komando hərbi hissəsində çıxış edərək ötən ilin oktyabrında İrəvanın Azərbaycanın ərazi bütövlüyünü rəsmən tanıdığını xatırladıb. Amma İrəvan bu etirafı sənədləşdirməlidir. İlham Əliyev onu da qeyd edib ki, Ermənistan Zəngəzur dəhlizi layihəsini həyata keçirməyə və silahlı birləşmələrini Qarabağ bölgəsindən çıxarmağa borcludur. Həmin gün Azərbaycanın xarici işlər naziri Ceyhun Bayramov mətbuata müsahibəsində Qarabağ erməniləri mövzusuna toxunub. Bayramov qeyd edib ki, rəsmi Bakı Qarabağın erməni icmasına bəzi xüsusi təhlükəsizlik təminatlarının verilməsi ilə bağlı danışıqlar çərçivəsində heç bir ilkin şərt qəbul etmir.