İranın xarici işlər naziri Azərbaycanın Tehrandakı səfirliyinə hücum edən terrorçunun ağır cəza alacağını bildirib. O, həmçinin İranın Cənubi Qafqazda sülh və təhlükəsizliyə sadiqliyini təsdiqləyib.
Azadmedia.az xəbər verir ki, bu barədə Tehran Cənubi Qafqazda sülh və təhlükəsizliyin tərəfdarıdır, İranın xarici işlər naziri Hüseyn Əmir Abdullahiyan Qoşulmama Hərəkatına üzv ölkələrin xarici işlər nazirlərinin sammitində deyib.

O qeyd edib ki, Azərbaycan prezidenti İlham Əliyevlə danışıqlardan sonra məlum olub ki, Bakı Rusiya, Azərbaycan və Ermənistan başçılarının üçtərəfli razılaşmalarına əməl edir.

Nazir vurğulayıb ki, Azərbaycan rabitə və nəqliyyatın açılmasına mane olmaq fikrində deyil.

Daha sonra o, Azərbaycanın Tehrandakı səfirliyində törədilən terror aktına toxunub. Onun sözlərinə görə, diplomatik nümayəndəliyin binasına hücum edənlər ciddi şəkildə cəzalandırılacaq. Abdollahian onu da qeyd edib ki, ölkə rəhbərliyi artıq hücuma icazə verənlərə qarşı ciddi addımlar atıb.

Bundan əlavə, nazir Bakı və Tehranın tezliklə Cənubi Araz dəhlizini aktivləşdirəcəyini və bunun iki dövlət arasında münasibətlərə təkan verəcəyini bildirib.