Rusiya, İran və Çin Oman körfəzində birgə hərbi təlimləri başa çatdırıb.

Azadmedia.az xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb.

Belə ki, İran, Çin və Rusiya Hərbi Dəniz Qüvvələri gəmilərinin iştirakı ilə Oman körfəzində keçirilən təlimin praktiki hissəsi başa çatıb.

“Dəniz təhlükəsizlik kəməri 2024” adı altında keçirilən birgə beynəlxalq dəniz təliminin praktik hissəsinin tapşırıqlarını uğurla yerinə yetirilib. Təlimin nəticələrinə bu gün yekun vurulacaq, İran, Çin, Rusiya, o cümlədən müşahidəçi ölkələr - Pakistan, Qazaxıstan, Azərbaycan, Oman, Hindistan hərbçilərinin iştirakı ilə bağlanış mərasimi təşkil ediləcək.