Fransa səfiri Pyer Levi Rusiya Xarici İşlər Nazirliyinə çağırılıb.

Azadmedia.az xəbər verir ki, bu barədə Rusiya XİN məlumat yayıb.

Belə ki, Fransanın Avropa və Xarici İşlər Naziri S.Sejurnenin Fransa tərəfinin Rusiya rəsmiləri ilə danışıqlara maraq göstərməməsi ilə bağlı son bəyanatları ilə əlaqədar olaraq Fransa səfiri Rusiya XİN-ə çağırılıb.

Həmçinin "Fransa səfirinin diqqətinə çatdırılıb ki, reallıqla heç bir əlaqəsi olmayan bu cür bəyanatlar qəbuledilməzdir. Biz Fransa Xarici siyasət idarəsinin rəhbərinin bu bəyanatlarını iki ölkə arasında hər hansı dialoqun mümkünlüyünü pozmağa yönəlmiş Fransa tərəfinin şüurlu və düşünülmüş hərəkəti kimi qiymətləndiririk", deyə Rusiya XİN-nin məlumatında qeyd olunub.