Uşaq bağçasında ölüm hadisəsi baş verib. Hadisə nəticəsində azyaşlı həyatını itirib. Həyatını itirən azyaşlının atası AzTV-nin əməkdaşı, aparıcı Həmid Əsədzadədir.

“Qafqazinfo”nun əldə etdiyi məlumata görə, H.Əsədzadənin 2 yaşlı qızı dünən Səbail rayonu ərazisində yerləşən uşaq bağçalarının birində ağır xəsarət alıb. O, xəstəxanaya çatdırılsa da, dünyasını dəyişib.

Bildirilir ki, azyaşlı bağçada ehtiyatsızlıqdan yıxılıb və bu səbəbdən ağır yaralanıb.

Faktla bağlı araşdırma aparılır.