Türkiyənin Antalya şəhərində eniş edən "Sukhoi Superjet 100" təyyarəsi alovlanmayıb, ətrafa dağılmış aviasiya yanacağını yandırıb. RBC xəbər verir ki, bu barədə “Azimut” aviaşirkəti məlumat yayıb.

Aviaşirkətin məlumatına görə, uçuş-enmə zolağında alışan deformasiyaya uğramış yanacaq çənindən havaya yanacaq tökülüb.

Layner zolaqda dayandıqdan sonra stüardessalar sol tərəfdə bayırda tüstü görüb və bu barədə komandirə məlumat veriblər. “Azimut” xəbər verir ki, təyyarənin komandiri sərnişinləri və ekipajı təxliyə etmək qərarına gəlib.

ÇP noyabrın 24-ü axşam saatlarında baş verib. Göyərtəsində 89 sərnişin və 6 ekipaj üzvü olan Sukhoi Superjet 100 təyyarəsi Soçidən Antalyaya uçub. Qəza nəticəsində xəsarət alan olmayıb, sərnişinlər sürətlə təxliyə edilib. Layner çətin hava şəraitində qəzasız enməyi bacarıb.

Birləşmiş Təyyarə Korporasiyası (UAC) bəyan edib ki, Antalyada SSJ-100 təyyarəsinin yanacağının dağılması və yanğının səbəbi bortunun uçuş zolağına güclü zərbə vurması ola bilər.