Azərbaycanın elm ictimaiyyətinə ağır itki üz verib.

ONA xəbər verir ki, fəlsəfə elmləri doktoru, professor Oruc Abdullayev 66 yaşında vəfat edib. Oruc Abdullayev 1979-1983 cü illərdə Bakı Dövlət Universitetində aspiranturada təhsili alıb. 1983-cü ildə BDU-nun fəlsəfə üzrə ixtisaslaşmış elmi şurasında namizədlik dissertasiyası, 1994-cü ildə AMEA-nın Fəlsəfə İnstitutunda doktorluq dissertasiyasını müdafiə edərək, fəlsəfə elmləri doktoru, 1996-cı ildə isə professor elmi adına layiq görülüb. 1988-ci ildən Azərbaycan Texnologiya Universitetində fəlsəfə və elmi kommunizm, fəlsəfə və politologiya, 2002-ci ildən fəlsəfə və tarix kafedrasının müdiri, 1996-cı ildən 2011-ci ilə kimi tərbiyə-humanitar məsələlər üzrə prorektor işləyib.

Göstərdiyi elmi fəaliyyətinə görə mərhumun adı Azərbaycan Milli Ensiklopediyasına salınıb.