Bu gün Füzuli və Xocavənd rayonlarının ərazisində müharibə zamanı məhv edilən erməni hərbi qulluqçuların axtarış işləri həyata keçirilib.

Azadmedia.az Ermənistan KİV-nə istinadən xəbər verir ki, axtarışlar zamanı 3 erməni hərbi qulluqçunun cəsədi aşkarlanıb.

Cəsədlərdən ikisi Füzuli, biri isə Xocavənd rayonundan tapılıb. Onların kimliyi məhkəmə tibbi ekspertizasından sonra təsdiqlənəcək.

Qeyd edək ki, noyabrın 10-dan bu günə qədər azad edilən ərazilərdə 1634 erməni hərbi qulluqçunun cəsədi aşkar edilib.