Az öncə sosial şəbəkələrdə Salyanda atışma olması ilə bağlı məlumat yayıldı. Azadmedia.az məlumatı dəqiqləşdirmək məqsədi ilə DİN-in Mətbuat Xidmətinin Şirvan regional qrupunun baş inspektoru, polis baş leytenantı Nizam Həmidova sorğu yolladı. Sorğuya cavab olaraq polis baş leytenantı Nizam Həmidov bildirdi ki, Salyan rayonu ərazisində atışma baş verməsi ilə bağlı sosial şəbəkələrdə yayılan məlumatların heç bir əsası yoxdur. Bu barədə heç bir fakt qeydə alınmayıb.