Kriştianu Ronaldonun bacısı Karya Aveyro Vircil van Deykı tənqid edib. “Qafqazinfo” xəbər verir ki, o, “İnstagram” hesabından hollandiyalı futbolçu barədə bunları yazıb:

“Bəzi insanlar adamların əsəbləri ilə oynayırlar. Təvəzökar olmaq lazımdır. Kriştianu 3 liqada çempion olub. Van Deyk isə hələ də çempion ola bilmir. Ronaldo İngiltərə Premyer Liqasında ən yaxşı oyunçu, bombardir olub. Üstəlik də, bunları daha gənc yaşlarında bacarıb. Kriştianunun oynadığı yığma komanda sənin komandanı Millətlər Liqası finalında əzdi. Ən zəif vaxtında belə Ronaldo daha çox çempionluq yaşayıb. Sən fəxr et ki, Ronaldo ilə eyni masaya oturursan”.

Qeyd edək ki, Vircil van Deyk “Qızıl top”un təqdimetmə mərasimində jurnalistin “Ronaldo gəlməyib, demək olar ki, rəqiblərinizdən biri azaldı” sualına “Kriştianu rəqib idi ki?” deyə cavab verib. Onun bu açıqlaması böyük səs küy yaradıb.