Detektiv romanları ilə tanınan Elbrus Kəlbiyevin növbəti kitabı çapdan çıxıb. Bu dəfə detektiv yazıçı "Utancaq qatil" romanı ilə oxucularının görüşünə gəlib. Yazıçının Kitabevim.az-da imza günü keçirilib. İmza günü sual-cavabdan sonra kitab imzalanması və xatirə şəkillərinin çəkilməsi ilə davam edib. Sonda E.Kəlbiyev oxucularının diqqətini həmişə hiss etdiyini, buna görə onlara minnətdar olduğunu bildirib və qeyd edib ki, nə qədər sağlamlığı imkan verir, yazacaq, yaradacaq. Mən də öz növbəmdə Azadmedia.az kollektivi adından Elbrus müəllimi təbrik edir, yeni yaradıcılıq uğurları arzulayıram.
Elnurə Abuşova