Azərbaycanın sabiq müdafiə naziri Rəhim Qazıyevin anası Libadə Qazıyeva 96 yaşında vəfat edib.
AZTB.info-nun Report-a istinadən xəbərinə görə, o, Şəki şəhərində dəfn ediləcək.
Qeyd edək ki, R.Qazıyev 1992-ci ilin martından 1993-cü il fevralına qədər Azərbaycanın müdafiə naziri vəzifəsində çalışıb. O, 1993-cü ildə vətənə xəyanətdə ittiham edilərək barəsində ölüm hökmü çıxarılıb. Sonradan ölüm cəzası ömürlük həbslə əvəz edilib. 2005-ci ildə isə R.Qazıyev əfv fərmanı ilə azadlığa buraxılıb.