Aras Bulut İynemli, Erkan Kolçak Köstendil və Dilan Çiçək Denizin baş rollarını paylaşdığı Türkiyənin məşhur "Çukur" serialının yeni mövsümündə "Cumali" roluna Kenan İmirzalıoğlunun çəkiləcəyi haqqında iddia ortaya atılmışdı.
Türkiyə mediasına xəbər verir ki, iddialara ssenari müəllifindən cavab gəlib.

Serialın ssenaristi Gökhan Horzum bu xəbərlərin əsassız olduğunu bildirib:
"Belə bir şey yoxdur. Erkan Avcı və Berkay Ateş yeni mövsümün pis adamları olaraq komandamıza daxil olublar. "Cumali" rolu üçün də əla bir aktyorla razılıq əldə olunub. Bu mövsüm "Çukur"da həyatda qalma mübarizəsini izləyəcəksiniz. Yer yerindən oynayacaq, gedənlər olacaq, qalanlar isə yaralı... Ən önəmlisi serialın yeni bəyləri var və niyyətləri heç də yaxşı deyil".