Daha ayı əti yeyə bilmir, indi zaman fərqlidir... Hələ sabiq Nəqliyyat Naziri Ziya Məmmədovun oğlu Anar Məmmədov üçün durum eynən belədir. İndi hətta Tramp və onun ailə üzvlərinin kölgəsini belə satın almağa pulu yoxdur. Amma əvvəllər ayrı həngamə idi. Süfrəsində ayı əti görməyəndə alt dodaqları titrəyən Anar Məmmədov bu gün hətta məsuliyyətə belə əlb oluna bilər.

Bu barədə dia.az-a danışan bilgili qaynaq iddia edir ki, keçmiş nazir oğlunun iqtisadi fəaliyyəti və "Qarant Holdinq"də vergidən yayınma halları artıq müvafiq dövlət qurumları tərəfindən hüquqi baxımdan araşdırmaya götürülüb. Bu isə o deməkdir ki, Anar Məmmədovun fəaliyyətinə hüquqi qiymət verilə bilər.

Mənbə dia.az-a açıqlamasında onu da əlavə edib ki, eyni zamanda Ziya Məmmədova aid və yaxın olan daha bir neçə şirkətin də fəaliyyəti araşdırılacaq. Əlavə bilgilərimiz olacaq. Bizi izləyin.

Qarşı tərəfi də dinləməyə hazırıq...