Aprelin 15-də Azərbaycan Könüllü Təşkilatları İttifaqının təşkilatçılığı ilə müxtəlif qurumları təmsil edən könüllülər Fəxri xiyabana gələrək, görkəmli oftalmoloq, akademik Zərifə xanım Əliyevanın xatirəsini dərin hörmət və ehtiramla yad edib, onun məzarı önündə gül dəstələri qoyublar. 

Dünya tibb elminə əvəzsiz töhfələr vermiş məşhur alim, tanınmış həkim, sədaqətli ömür-gün yoldaşı Zərifə Əliyevanın həyat yolu bu gün də müasir Azərbaycan gəncləri üçün əsl nümunədir. Könüllülər Zərifə xanımın şəxsiyyətində cəmləşmiş xalqımıza xas müsbət keyfiyyətləri, ali dəyərləri daim yüksək tutacaqlarını, onun ruhunu şad etmək üçün hər zaman ölkəmizin inkişafı və xalqımızın rifahı uğrunda çalışacaqlarını qeyd ediblər.