“Şirvan Regional Qeyri-Hökumət Təşkilatlarının Resurs və Təlim” ictimai birliyi Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə “İctimai nəzarət mexanizmlərinin monitorinqı” adlı layihənin icrasına başlayıb.

Azadmedia.az QHT.az-a istinadla xəbər verir ki, layihənin məqsədi Şirvan şəhərində “İctimai İştirakçılıq Haqqında” Azərbaycan Respublikasının Qanununu təşviq etmək, ictimai nəzarət mexanizmlərinin monitorinqini təşkil etmək, Dövlət orqanlarında, yerli özünüidarəetmə qurumlarında qanunun icra vəziyyətini qiymətləndirmək və təkliflər hazırlayıb təqdim etməkdən ibarətdir.

Layihə çərçivəsində yerli əhali arasında sorğuların keçirilməsi, maarifləndirici seminarların və digər kütləvi tədbirlərin təşkil olunması nəzərdə tutulur.