İranın xarici işlər naziri bu gün Sankt-Peterburqa gəlib. Gözlənilir ki, naziri Rusiya prezidenti Vladimir Putin qəbul etsin.
İranın xarici işlər naziri Abbas Araqçi bazar ertəsi səhər Sankt-Peterburqa gəlib. Bu barədə IRNA agentliyi məlumat yayıb.
Gözlənilir ki, İran İslam Respublikasının XİN rəhbərini bu gün Rusiya Federasiyasının prezidenti Vladimir Putin qəbul edəcək. Səfər zamanı Araqçi Rusiya rəsmiləri ilə Yaxın Şərqdəki münaqişənin nizamlanmasını müzakirə etməyi planlaşdırır.
Bundan əvvəl İranın Rusiyadakı səfiri Kazem Cəlali bildirib ki, Araqçi “danışıqların hazırkı vəziyyəti, atəşkəs və münaqişə ətrafında baş verən hadisələr barədə Rusiya tərəfi ilə məsləhətləşmələr aparacaq”.
Rusiya Xarici İşlər Nazirliyi İran XİN rəhbərinin 27 aprel tarixində danışıqlar aparmaq üçün Rusiyaya səfərini təsdiqləyib. TASS agentliyinin məlumatına görə, Rusiya prezidentinin mətbuat katibi Dmitri Peskov Vladimir Putinin iranlı həmkarı ilə görüşünün planlaşdırıldığını bildirib.