Hindistan Cəmmu və Kəşmirdə terror aktından sonra Pakistanla atəşkəs sazişindən çıxa bilər.

Bu barədə "News18" telekanalı mənbələrə istinadən məlumat yayıb.

Hökumət mənbələri telekanala bildiriblər ki, “Pakistan Nəzarət Xəttində və beynəlxalq sərhəddə öz öhdəliklərini yerinə yetirmədiyi üçün Yeni Dehli məsələyə ciddi yanaşır”.

Xatırladaq ki, aprelin 22-də Hindistanın şimalındakı Cammu və Kəşmir bölgəsində terror aktı baş verib. Baysaran vadisində cığırla çıxan turistlərə silahlı silahlılar pulemyotlardan atəş açıb. Bu fonda Hindistan bütün Pakistan vətəndaşlarının ölkədən qovulduğunu elan edib. Bundan başqa, ölkələr arasında Attari keçid məntəqəsi də bağlanacaq.