Böyük Britaniyanın Baş naziri Keir Starmer Yaxın Şərqdə mövcud atəşkəs rejiminin olduqca kövrək olduğunu bəyan edib. O, İsrailin Livan ərazisinə endirdiyi zərbələrin qəbuledilməz olduğunu vurğulayıb.

Starmer qeyd edib ki, atəşkəs yalnız Qəzza ilə məhdudlaşmamalı, həm də Livanı əhatə etməlidir. Onun sözlərinə görə, bölgədə sabitliyin təmin olunması və uzunmüddətli sülhün əldə edilməsi üçün ciddi addımlar atılmalıdır.

Baş nazir həmçinin bildirib ki, Hörmüz boğazı vasitəsilə gəmiçiliyin bərpası üçün təhlükəsizlik təmin olunmalıdır. O vurğulayıb ki, gəmiçilik şirkətləri yalnız marşrut tam təhlükəsiz hesab edildikdən sonra bu ərazidən istifadə edəcəklər.

Keir Starmer əlavə edib ki, Böyük Britaniya və Fransa bu məsələ ilə bağlı cari həftə ərzində birgə sammit keçirəcək.