İranın ali rəhbəri Müctəba Xamenei bəyan edib ki, ABŞ-də keçirilən aralıq seçkilərin nəticələri Vaşinqtonun Tehrana qarşı düşmən siyasətinə təsir göstərməyəcək.

O xəbərdarlıq edib ki, ABŞ-nin İrana qarşı yeni təcavüzü baş verəcəyi təqdirdə, Tehranın cavabı əvvəlkindən xeyli genişmiqyaslı olacaq.

Xamenei seçkilərin nəticələrini şərh edərkən bildirib ki, ABŞ-də siyasi qüvvələr balansının dəyişməsinin Vaşinqtonun siyasətinə təsir edəcəyini düşünənlər yanılırlar. Onun sözlərinə görə, güzəştlər hesabına ABŞ-ni İrana qarşı düşmən mövqeyindən çəkindirməyin mümkün olduğunu düşünmək də ciddi səhvdir.

İranın ali rəhbəri Fars körfəzində, xüsusilə Hörmüz boğazı ətrafında baş verən hadisələrə də toxunub. O iddia edib ki, bu hadisələr ABŞ-nin məğlubedilməzliyi barədə formalaşmış təsəvvürü dağıdıb.

Xamenei həmçinin bildirib ki, baş verənlər öz xalqına deyil, xarici dövlətlərə arxalanan hökumətlərin zəifliyini nümayiş etdirib.