8 Noyabr prospektində aparılan qazıntı işləri paytaxtda nəqliyyatın hərəkətinə təsir edib. Xətai rayonu ərazisində, AFFA-nın qarşısında aparılan işlər yolda sıxlıq yaradıb.

Məlumata görə, qazıntı işləri Keşlə Yağış Kollektorunun təmiri ilə əlaqədardır. Layihəni ADSEA-nın “İri Şəhərlərin Su Təchizatı” QSC həyata keçirir.

Məsələ ilə bağlı QSC-dən “Qafqazinfo”nun sorğusuna cavab olaraq bildirilib ki, təmir işləri yaxın günlərdə başa çatacaq.

Qurumdan qeyd olunub ki, tikinti-quruculuq işlərinin dəqiq başa çatma tarixini əvvəlcədən müəyyənləşdirmək mümkün olmur. Buna görə də yanlış gözlənti yaratmamaq üçün konkret tarix açıqlanmır. İşlərin müntəzəm davam etdirildiyi vurğulanıb.

Təmir işləri 2026–2035-ci illəri əhatə edən Dövlət Proqramı çərçivəsində həyata keçirilir.