2024-cü ildə Rusiyanın müdafiə xərcləri 68% artaraq, 112 milyard dollara çatacaq.

Azadmedia.az yerli KİV-ə istinadən xəbər verir ki, bu barədə Britaniya kəşfiyyatının nəşr etdiyi son yeniləmə hesabatında bildirilib.

Belə ki, Britaniya kəşfiyyatının sızan Rusiya maliyyə sənədlərinə istinadən verdiyi məlumata görə, Rusiyanın 2024-cü il müdafiə büdcəsi ölkənin uzunmüddətli müharibəyə hazırlaşdığını və ÜDM-in təxminən 6%-ni müdafiəyə ayıracağını göstərir. Bu, təxminən 68% artıma uyğundur və müdafiə büdcəsinin təxminən 112 milyard dollara yüksələcəyi deməkdir.

Həmçinin Rusiya Maliyyə Nazirliyindən sızan sənədlər 2024-cü ildə müdafiə xərclərinin təxminən 10,8 trilyon rubla, yəni ÜDM-in təxminən 6%-nə qədər artacağını göstərir.

Qeyd edək ki, Britaniya kəşfiyyatının məlumatına görə, bu rəqəmlər Rusiyanın Ukraynada ən azı daha bir neçə il döyüşməyə hazır olduğunu göstərir.