Gələn ilin mart ayında İran İslam Şurası Məclisinə (parlament) keçiriləcək seçkilərdə iştirak etmək üçün rekord sayda namizəd qeydə alınıb.
Azadmedia.az xəbər verir ki, oktyabrın 27-dən başlayaraq noyabrın 3-nə kimi namizədlərin qeydiyyata alınması prosesi davam edəcək. Parlament seçkilərində iştirak etmək üçün ötən 3 gün ərzində elektron qaydada 48 min nəfər müraciət edib ki, onlardan da 24 min 826 nəfəri qeydə alınıb. İran mətbuatının yazdığına görə namizədlər məhkəmə orqanları tərəfindən nəzərdən keçiriləcək və bir qismi də ixtisar olunacaq.