Sudanda aprel ayından bəri davam edən münaqişə zamanı 12,5 mindən çox insan həlak olub.

Azadmedia.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb. Belə ki, münaqişə zamanı 6,88 milyon sudanlı evlərini tərk edib. Onlardan 5,42 milyondan çoxu Sudan daxilində sığınacaq axtarır, 1,45 milyonu isə ölkəni tərk edib. 24,7 milyon sudanlının humanitar dəstəyə, 11 milyon insanın isə təcili tibbi yardıma ehtiyacı var.

Qeyd olunyr ki, bəzi bölgələrdə yoluxucu xəstəliklərin baş verdiyi bildirilir. Doqquz ştatda 6,939 vəba hadisəsi və xəstəlikdən 200 ölüm hadisəsi qeydə alınıb. 11 ştatda qızılca aşkarlanıb: 3557 nəfər xəstələnib, 105 nəfər ölüb. Denqe xəstəliyinin yayılması ilə bağlı xəbərlər 10 ştatdan gəlib: yoluxmaların sayı 6371-ə çatıb, 60 nəfər ölüb.