ABŞ dövlət katibi Entoni Blinken Misirin xarici işlər naziri Samih Şükri ilə ikitərəfli əlaqələri və Qəzzadakı son vəziyyəti müzakirə edib.

Azadmedia.az xəbər verir ki, ABŞ Dövlət Departamentindən verilən açıqlamaya görə, Entoni Blinken və Samih Şükri arasında telefon danışığı olub.

Belə ki, Misirlə əməkdaşlığın davam etdirilməsinin vacibliyinə diqqət çəkən Entoni Blinken və Samih Şükri müstəqil Fələstin dövlətinin qurulması ilə bağlı qətiyyətlərini bir daha vurğuladılar.

Bundan başqa, Entoni Blinken Qəzzada fələstinlilərə göndərilən humanitar yardımların artırılmasında və əsirlərin azad edilməsi mövzusunda oynadıqları rola görə Samih Şükriyə təşəkkür edib.

Qeyd edək ki, Qəzzada fələstinli mülki vətəndaşlara dəyən zərəri minimuma endirmək üçün konkret addımların atılmasının vacibliyini vurğulayan Entoni Blinken və Samih Şükri İsrailin Qəzzaya hücumları və ikitərəfli hədəflər sahələrində əməkdaşlıq etmək mövzusunda razılıq əldə ediblər.