Ermənistanın baş naziri Nikol Paşinyanın və onun ətrafındakıların siyasi ritorikası ondan xəbər verir ki, Ermənistanın regionda Türkiyə-Azərbaycan inteqrasiya proseslərinə tədricən inteqrasiyası istiqamətində kurs götürülüb və bu, bu və ya digər şəkildə Aİ-nin də maraqlarına uyğundur. Bunu “Aİ və ya Aİİ – yeni dünyanın formalaşması kontekstində Ermənistanın seçimi” adlı dəyirmi masada uzaqdan çıxış edən rusiyalı politoloq Andrey Areşev deyib.

Onun sözlərinə görə, Mərkəzi Dəhliz və Rusiyadan yan keçən bütün kommunikasiyalar, o cümlədən Aİ və müxtəlif konkret ölkələr tərəfindən daha çoxşaxəli kommunikasiya dəhlizlərinin yaradılması istəyi ilə bağlıdır.

Prosesin necə inkişaf edəcəyini görəcəyik”. Yaxın Şərqdə qeyri-sabitlik və İran ətrafında qeyri-müəyyənlik, Ermənistanla Azərbaycan arasında yenidən gərginliyin yaranması riski, rəsmi Bakının ultimatum tələbləri və kifayət qədər sərt bəyanatları çətin ki, İrəvanla sülh müqaviləsini yaxınlaşdırsın. Bütün bunları nəzərə almaq lazımdır. Ermənistanın, yumşaq desək, Rusiya Federasiyası ilə əlaqələrin daha da korlanması istiqamətində kurs tutması məqsədəuyğun deyil. “Bu, kifayət qədər ciddi nəticələrə gətirib çıxaracaq, çətin ki, müsbət olacaq”, - politoloq vurğulayıb.