ABŞ Dövlət Departamentinə antixristian baxışları olan işçilər haqqında məlumat vermək tapşırılıb. Bu barədə “Politico” yazır.

“Departament əməkdaşların anonim hesabatlarının köməyi ilə xristian əleyhinə xurafat nümunələri toplayacaq”, - nəşr yazır.

Onlar dəqiq tarixləri, iştirakçıların adlarını və hadisənin baş verdiyi məkanı dəqiqləşdirərək, “qərəz nümunələri” haqqında ətraflı məlumat toplamağı planlaşdırırlar. Donoslarda göstərilən şəxslərin taleyinin necə olacağı barədə məlumat verilmir.

ABŞ prezidenti Donald Trampın administrasiyası bütün icra departamentlərinin fəaliyyətini “qeyri-qanuni anti-xristian təcrübələri” üçün yoxlamağı planlaşdırır. Onlarla mübarizə aparmaq üçün xüsusi hədəf qrupu yaradılıb.

Bundan əvvəl Tramp Amerikanı yenidən böyük etmək üçün Allah tərəfindən xilas edildiyini söyləmişdi. İlk cəhddən sonra o, "dünyanı və Amerikanı xilas etmək üçün" Tanrının onu xilas etdiyini bəyan etdi. Trampın fikrincə, seçkilərdəki qələbə onun ilahi taleyini təsdiq edəcək.