ABŞ prezidentinin oğlu kiçik Donald Tramp Rusiya lideri Vladimir Putinlə görüşündən sonra xüsusi elçi Stiven Vitkoffun Ukraynadakı münaqişənin nizamlanması üzrə səylərini dəstəkləyib.
Bu barədə o, X sosial şəbəkəsindəki səhifəsində məlumat verib.

“Atamın administrasiyasında heç kim bu müharibənin başa çatması və Rusiya ilə Ukrayna arasında davamlı sülhün əldə olunması üçün Stiv Vitkoffdan çox mübarizə aparmayıb”, o yazır.

ABŞ prezidentinin oğlunun sözlərinə görə, Amerika isteblişmenti Ukrayna böhranının həlli istiqamətində gördüyü işlərə görə Vitkoffa nifrət edir. Bununla belə, kiçik Tramp vurğuladı ki, əsl liderlər müharibə deyil, sülh üçün mübarizə aparır.