Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə Rusiyanın Gümrüdəki baş konsulu İqor Titovla müxalif “Ana Ermənistan” blokunun nümayəndəsi Karen Simonyan arasında bir neçə gün əvvəl baş tutan görüşünü şərh edib.

Zaxarova qeyd edib ki, Rusiya ayrı-ayrı ölkələrdə bütün siyasi qüvvələrlə işləyir və bu, ikitərəfli münasibətləri inkişaf etdirmək üçün edilir. “Dediyiniz görüş xarici diplomatik qurumlarımızın gündəlik işinin bir hissəsidir”. Rusiya diplomatları müəyyən bir ölkədəki bütün siyasi qüvvələrin nümayəndələri ilə ünsiyyət qururlar. Bu, ikitərəfli əlaqələri müxtəlif istiqamətlərdə inkişaf etdirmək üçün edilir. “Həmin görüşün daxili siyasi konteksti yox idi”.

Onun sözlərinə görə, baş konsul İqor Titov Gümrü Ağsaqqallar Şurasının bütün siyasi qüvvələrinin rəhbərlərini Böyük Qələbə Günü münasibətilə baş konsulluqda keçiriləcək təntənəli qəbulda iştirak etməyə dəvət edib. Görüş zamanı rusiyalı tərəfdaşlarla mədəni əlaqələrin inkişaf etdirilməsi məsələləri müzakirə olunub.