“Neft-qaz yenə də iqtisadiyyatımızın önəmli hissəsidir”

Prezident İlham Əliyev mədən sənayesinin inkişafı istiqamətində Dövlət Proqramının qəbul edildiyini bildirib.

“Qafqazinfo” xəbər verir ki, dövlət başçısı bu barədə II Azərbaycan Beynəlxalq İnvestisiya Forumu çərçivəsində keçirilən tədbirdə çıxışı zamanı deyib.

“Bir neçə gün öncə mədən sənayesi üzrə Dövlət Proqramı qəbul olunmuşdur. Burada bir çox tədbirlər nəzərdə tutulur. Bu, bizim inkişafımızın əsas istiqamətləridir”, - Prezident bildirib.

İlham Əliyev neft-qaz sektorunun da ölkə iqtisadiyyatında mühüm rol oynadığını qeyd edib.

“Bu il də artıq bir çox yeni müqavilələr imzalanıb. Yəni neft-qaz yenə də bizim iqtisadiyyatımızın önəmli hissəsidir və böyük bir rifah yaradacaq”, - deyə dövlət başçısı əlavə edib.